МІНСК, 3 кра - Sputnik. Былая першая ракетка свету і Беларусі Вікторыя Азаранка паспяхова пачала выступ на турніры ў мексіканскім Мантэрэі і выйшла ў другі круг спаборніцтваў, паведамляе Sputnik.
У 1/16 фіналу беларуска, якая займае 67-ы радок сусветнага рэйтынгу, сустрэлася на корце з японскай тэнісісткай Міяй Ката (514-ы нумар рэйтынгу). Дзяўчыны гулялі адна з адной упершыню. Матч паміж спартсменкамі завяршыўся ў дзвюх сэтах: Азаранка ўпэўнена абыграла японку з лікам 6:4, 6:2. Тэнісісткі правялі на корце 1 гадзіну 15 хвілін.
У матчы 1/8 фіналу Вікторыя Азаранка сустрэнецца з другой ракеткай Казахстана Зарынай Дыяс, якая знаходзіцца на 107-й пазіцыі ў рэйтынгу WTA. Тэнісісткі ўжо сустракаліся на корце на турніры ў Індыян-Уэлсе ў 2016 годзе. Тады беларуска аказалася мацней за саперніцу і абыграла яе ў двух сэтах. А на турніры ў Бірмінгеме ў 2015 годзе Дыяс здолела ў двух сэтах разабрацца з Азаранка.
Адкрыты чэмпіянат Монтэрэя ў Мексіцы традыцыйна праходзіць на рубяжы зімы і вясны на хардавых кортах. З 2009 года ён адносіцца да міжнароднай серыі WTA з прызавым фондам 250 тысяч долараў.