МІНСК, 18 кра - Sputnik. Хросны ход напярэдадні вялікага Трыдыума прайшоў ля касцёла Святога Роха на Залатой Горцы ў Мінску.
Як адзначылі святары, традыцыйна на Страсным тыдні, калі ў касцёлах узгадваюць апошнія дні зямнога жыцця Ісуса Хрыста і яго пакуты на крыжы, духавенства і вернікі праводзяць хросны ход.
Хросны ход на Залатой Горцы ўзначаліў дапаможны біскуп Мінска-Магілёўскай архідыяцэзіі Юрый Касабуцкі.
Вялікі Трыдыум
У РКЦ у Беларусі таксама распавялі, што ў чацвер на Страсной седміцы ў каталікоў пачынаецца Вялікі Трыдыум.
У гэты дзень у касцёлах узгадваюць падзеі Тайнай вячэры, а святары зладзяць абрад абмывання ног 12 мужчынам-парафіянам. Так зрабіў Хрыстос: у чацвер падчас тайнай вячэры ён абмыў ногі сваім 12 вучням-апосталам.
У Вялікую Пятніцу ў касцёлах адзіны дзень у годзе, на працягу якога не праводзяцца службы. І толькі вечарам пачнецца служба, падчас якой вернікі, стоячы на каленях, будуць успамінаць мукі распятага на крыжы Хрыста.
У суботу з самай раніцы ў храмах асвячаюць ежу, а вечарам пачнецца галоўная велікодная літургія. Вялікдзень у гэтым годзе каталікі адзначаюць 21 красавіка.