МІНСК, 18 кра - Sputnik. Расійская тэлевядучая і выканаўца Вольга Бузава ўпершыню прыме ўдзел у фестывалі "Славянскі базар у Віцебску" ў бягучым годзе, паведаміў Sputnik дырэктар фестывалю "Славянскі базар" Глеб Лапіцкі.
"Фестываль павінен адказваць патрабаванням гледача, спажыўца, і мы вельмі рады, што Вольга Бузава будзе на фестывалі", - лаканічна адзначыў спікер.
У чацвер у мультымедыйным прэс-цэнтры Sputnik Беларусь прайшла прэс-канферэнцыя ў фармаце тэлемосту Мінск - Масква, прысвечаная XXVIII Міжнароднаму фестывалю мастацтваў "Славянскі базар у Віцебску".
Навіна пра выступ Вольгі Бузавай выклікала бурнае абмеркаванне і абурэнне ў журналістаў. Некаторыя палічылі, што спявачка не валодае дастатковым талентам для ўдзелу ў такім вядомым праекце. Дырэктар "Славянскага базару" адзначыў, што не збіраецца ацэньваць вакальныя дадзеныя спявачкі.
"Фестываль - гэта жывы механізм, які ідзе з жыццём наперад. Гэта плынь падтрымана вялікай колькасцю моладзі", - сказаў Лапіцкі, кажучы пра творчасць Вольгі Бузавай.
Раней у СМІ з'явілася інфармацыя аб тым, што спявачка выступіць на канцэрце "Europa Plus TV. Hit Non Stop у Віцебску", які адбудзецца ў Летнім амфітэатры 15 ліпеня.