Рыцары і дамы, гандляры і шляхта, а таксама шматлікія госці фестывалю ў Гальшанах выдатна бавілі час 18 мая. З надвор'ем пашанцавала - увесь дзень свяціла сонейка і было па-летняму спякотна.
Пад сценамі адноўленай вежы Гальшанскага замка развярнуўся кірмаш з танцамі і спевамі, а побач можна было паназіраць за жорсткімі бітвамі закаваных у браню рыцараў. Сярэднявечная музыка гучала ўвесь дзень, а хэдлайнерам мерапрыемства выступіў добра вядомы і любімы не толькі беларусамі гурт "Стары Ольса".
Падсілкавацца нацыянальнымі стравамі і нават пакаштаваць смажанае парася можна было на вялікім фудкорце, які прапаноўваў ласункі на любы густ. Як госці фестывалю акунуліся ў атмасферу даўніны, глядзіце ў фотастужцы Sputnik.