Урачыстыя лінейкі адбыліся ў сераду 29 мая ва ўсіх школах і гімназіях Мінска. Са школай традыцыйна развіталіся вучні дзявятых і адзінаццатых класаў. Наперадзе - школьныя экзамены. Аднак гэта не азмрочыла радасць выпускнікоў: дзеці прадчуваюць пачатак новага жыцця і зусім не звяртаюць увагі на такія дробязі.
Апошні званок прагучаў сёння і для вучняў школы № 121. Каб адзначыць свой першы крок у дарослае жыццё, дзяўчынкі і хлопчыкі прыгожа апрануліся і надзелі традыцыйныя стужачкі цераз плячо. Бацькі толькі і паспявалі фатаграфаваць сваіх стаўшых дарослымі дзяцей, а настаўнікі стрымлівалі слёзы і хавалі сум ва ўсмешкі.
У гэтым годзе абышлося без традыцыйнага вальса і старых школьных песень, якія кранаюць да глыбіні душы. Затое выпускнікоў павіншавалі першаклашкі вясёлай песняй у стылі рэп і народныя калектывы. У такой радаснай атмасферы выпускнікі загадалі свае самыя запаветныя жаданні і адпусцілі ў неба шарыкі - каб усё збылося.