Якіх-небудзь непрадбачаных акалічнасцяў у арганізацыі ЧС-2021 па хакеі, які пройдзе ў Беларусі і Латвіі, быць не павінна, такое меркаванне ў каментары радыё Sputnik выказаў дасведчаны хакейны трэнер, заслужаны трэнер Расіі Уладзімір Плюшчаў.
"Калі краіны падаюць заяўку на арганізацыю такога мерапрыемства, краіны-гаспадыні даюць пэўныя гарантыі на ўрадавым узроўні, тым больш што Чэмпіянат свету будзе праходзіць у дзвюх краінах - Латвіі і Беларусі, могуць быць нейкія накладкі, але не думаю, што будуць прынцыповыя" , - сказаў трэнер.
Акрамя таго, на думку суразмоўцы Sputnik, сусветнае хакейнае першынство дасць магчымасць дзвюм краінам-гаспадыням наладзіць больш цесныя ўзаемаадносіны па іншых напрамках, акрамя спартыўнага.
"Любыя спартыўныя спаборніцтвы і такія форумы, як чэмпіянаты свету, Алімпійскія гульні, гэта заўсёды невялікі масток для навядзення сваіх узаемасувязяў, сваіх узаемаадносін, таму што такія форумы збліжаюць людзей, знаходзяцца агульныя кропкі для ўзаемаразумення і проста зносін", - адзначыў Плюшчаў.
Каментар заслужанага трэнера Расіі Уладзіміра Плюшчава слухайце ў аўдыёзапісе радыё Sputnik