МІНСК 2 чэр - Sputnik. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў прэзідэнта Італіі Сэрджыа Матарэллу з нацыянальным святам - Днём абвяшчэння Італьянскай Рэспублікі, паведаміла прэс-служба беларускага лідара.
Лукашэнка адзначыў у віншаванні, што Беларусь і Італія маюць добрыя традыцыі сяброўскіх і канструктыўных адносін. Яны істотна паглыбіліся і набылі дадатковую каштоўнасць у апошнія гады.
Кіраўнік дзяржавы падкрэсліў, што сёння няма аб'ектыўных перашкодаў для яшчэ большай актывізацыі двухбаковых кантактаў паміж нашымі краінамі ў разнастайных сферах: ад прамысловасці і сельскай гаспадаркі да навукі, тэхналогій, адукацыі і турызму.
"Вельмі спадзяюся на працяг плённага дыялога з Вамі, у тым ліку і на гасціннай беларускай зямлі", - сказаў прэзідэнт.
Беларускі лідар пажадаў Сэрджыа Матарэлле здароўя і поспехаў на адказнай дзяржаўнай пасадзе, а дружалюбнаму італьянскаму народу - міру і дабрабыту.