МІНСК, 3 чэр - Sputnik. Спецыяльная разметка да II Еўрапейскіх гульняў з'явілася на асфальце сталічных вуліц, перадае карэспандэнт Sputnik.
Убачыць надпісы "Minsk 2019" можна на цэнтральных вуліцах Мінска. Адна такая знаходзіцца на праспекце Пераможцаў побач з прыпынкам "Палац спорту", яшчэ некалькі нанесеныя на дзвюх палосах перад перасячэннем праспектаў Пераможцаў і Машэрава.
Падчас II Еўрапейскіх гульняў па палосах з такой разметкай зможа рухацца толькі транспарт са спартсменамі. Гэта выклікана тым, што па патрабаванні арганізатараў форуму атлеты ад месцаў пражывання да аб'ектаў, дзе будуць праводзіцца спаборніцтвы, павінны дастаўляцца не больш чым за 20 хвілін.
Другія Еўрапейскія гульні пройдуць у Мінску з 21 па 30 чэрвеня. Больш за чатыры тысячы спартсменаў з 50 краін пазмагаюцца за 200 камплектаў узнагарод у 15 відах спорту. Пра ўсе навіны спартыўнага форуму і прытрымліванні агню гульняў па Беларусі можна даведацца ў спецпраекце Sputnik.