МІНСК, 3 чэр - Sputnik. Бліжэйшыя дні ў Беларусі будуць гарачымі і амаль сухімі, пра гэта сведчаць дадзеныя рэспубліканскага Гідраметцэнтра.
"4 чэрвеня (у аўторак) надвор'е Беларусі будзе вызначаць вобласць павышанага атмасфернага ціску", - паведамілі сіноптыкі.
У гэты дзень чакаецца невялікая воблачнасць, аднак ападкаў спецыялісты не чакаюць. Тэмпература паветра ў начны час будзе знаходзіцца ў межах +9..+15°С, днём пацяплее максімум да +23..+29°С.
У сераду 5 чэрвеня рэспубліка застанецца ў вобласці павышанага атмасфернага ціску, толькі днём паўднёва-заходняя палова краіны апынецца ў няўстойлівай паветранай масе, якая паступае з тэрыторыі Украіны. Кароткачасовыя дажджы (і навальніцы месцамі) днём могуць прайсці толькі на паўднёвым захадзе рэспублікі. Уначы будзе +11..+18°С, днём, як і напярэдадні, - да +23..+29°С.
"6 чэрвеня (у чацвер) надвор'е будзе фармаваць цёплая і няўстойлівая паветраная маса, якая паступае з Украіны і поўдня Расіі. Месцамі па краіне чакаюцца кароткачасовыя дажджы, навальніцы", - папярэдзілі ў Белгідрамеце.
Пры навальніцах магчымы парывісты вецер, тэмпература ноччу апусціцца мінімум да +13..+19°С, а пасля абеду таксама дасягне +24..+29°С.
Згодна з папярэднімі прагнозамі гідраметцэнтра, гарачае надвор'е захаваецца ў Беларусі і ў канцы тыдня; і ў пятніцу, і ў будучыя выхадныя ападкі пройдуць па Беларусі толькі месцамі. Па дадзеных на сёння, у дзённыя гадзіны 7, 8 і 9 чэрвеня будзе цяплець да +24..+31°С.