МІНСК, 11 чэр - Sputnik. Мінімальны заробак і даходы насельніцтва за май індэксавацца не будуць, паведамілі ў Міністэрстве працы і сацыяльнай абароны насельніцтва.
У Мінпрацы патлумачылі, што індэксацыя праводзіцца, калі індэкс спажывецкіх коштаў перавышае 5-працэнтны парог з моманту апошняй індэксацыі. Такая праводзілася ў студзені. З тых часоў, па ацэнцы спецыялістаў ведамства, неабходнага для індэксацыі росту не адбылося.
Паводле звестак Белстата, індэкс спажывецкіх коштаў за май да красавіка склаў 100,3%.
Мінімальны заробак быў устаноўлены 1 студзеня 2019 года ў памеры 330 рублёў.
Разам з тым, заробкі бюджэтнікаў і стыпендыі за май былі праіндэксаваныя, паколькі яны залежаць ад памеру тарыфнай стаўкі першага разраду для аплаты працы работнікаў бюджэтных арганізацый.