МІНСК, 14 чэр - Sputnik. Большасць расіян лічаць Беларусь найбольш блізкім сябрам і саюзнікам сваёй краіны, сведчаць дадзеныя апытання "Левада-цэнтра".
Расійскія сацыёлагі рэгулярна вывучаюць меркаванне грамадзян адносна самых дружалюбных і блізкіх дзяржаў.
Па выніках апытання гэтага года большасць грамадзян Расіі (62%) самым блізкім сябрам і саюзнікам называюць Беларусь. На другім месцы з 42% ідзе Кітай, на трэцім з 38% - Казахстан.
Сярод найбольш прыязных краін расіяне таксама называлі Арменію, Азербайджан, Сірыю і Індыю.
У мінулым годзе Беларусь таксама ўзначальвала падобны рэйтынг, аднак з больш нізкімі вынікамі - рэспубліку блізкім сябрам называлі 49% расіян.