МІНСК, 18 чэр - Sputnik. Падчас сустрэчы са сваім егіпецкім калегам прэзідэнт Беларусі заявіў, што Мінск і Каір валодаюць патэнцыялам для развіцця гандлю і эканомікі.
Пры гэтым Аляксандр Лукашэнка ўзгадаў свой афіцыйны візіт у Егіпет два гады таму. Тады беларускі лідар і Абдэль Фатах ас-Сісі склалі сумесны план дзеянняў.
"Мы нямала зрабілі ў плане рэалізацыі гэтых мерапрыемстваў і падвоілі наш тавараабарот. Гэта добры пачатак, але не мяжа", - цытуе прэзідэнта Беларусі БелТА.
Паводле афіцыйнай статыстыкі, у 2016 годзе тавараабарот Мінска і Каіра складаў 57,8 мільёна долараў. У мінулым годзе ён дасягнуў адзнакі ў 108,7 мільёна долараў, пры гэтым экспарт беларускіх тавараў склаў 83 мільёны долараў.
Беларусь у асноўным экспартуе ў Егіпет металапрадукцыю, тэхніку і калійныя ўгнаенні, а імпартуе егіпецкую садавіну і гародніну.
Чытайце таксама:
- Беларусы ў 2018-м часцей за ўсё ездзілі адпачываць у Егіпет, Турцыю і Украіну
- Егіпет можа адкрыць у Мінску пасольства і прамы рэйс у Каір