МІНСК, 27 чэр - Sputnik. Штармавое папярэджанне аб'яўлена ў Беларусі на 28 чэрвеня з-за моцнага ветру, пра гэта паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
"У пятніцу ў многіх раёнах рэспублікі і ў Мінску захаваецца вецер парывамі да 15-20 метраў у секунду", - папярэдзілі сіноптыкі.
Тым часам у чацвер па рэспубліцы таксама абвешчаны аранжавы ўзровень небяспекі. Паводле інфармацыі Гідрамета, на большай частцы тэрыторыі краіны прагрымяць навальніцы, месцамі пройдуць моцныя ліўні, днём у асобных раёнах па паўднёвым усходзе краіны магчымы град. Таксама небяспеку прадстаўляе моцны вецер.
Сіноптыкі папярэджвалі, што з 27 чэрвеня ў Беларусі пачнецца пахаладанне, аднак надвор'е пачало псавацца яшчэ ўвечары 26 чэрвеня. Месцамі ўсю ноч на чацвер грукаталі навальніцы і ішлі дажджы. У Мінску ў выніку залевы апынуліся затопленыя некаторыя вуліцы. У Ашмянах прайшоў град памерам з мячык для настольнага тэніса. У Магілёўскай вобласці ўдары маланак сталі прычынай некалькіх пажараў у жылых дамах.