МІНСК, 29 чэр - Sputnik. Сіноптыкі папярэдзілі аб моцным ветры ў суботу ў Беларусі.
"Удзень 29 чэрвеня ў асобных раёнах рэспублікі чакаецца ўзмацненне ветру парывамі да 15-20 м/с", - паведамілі ў Белгідрамеце.
Пераважна без ападкаў, толькі ўдзень па ўсходзе краіны пройдуць кароткачасовыя дажджы. На вуліцы будзе халаднавата - ад +17 да +25 градусаў.
Пацяпленне прыйдзе ў Беларусь у нядзелю. Ужо да панядзелка стане горача.
"Уначы 1 ліпеня захаваецца ўплыў вобласці павышанага атмасфернага ціску, удзень з Заходняй Еўропы перамесціцца малаактыўны атмасферны фронт і вельмі цёплая паветраная маса", - удакладнілі сіноптыкі.
Уначы тэмпература паветра па краіне складзе +14 ... + 21°С, удзень +27 ... + 34°С. У дзённы час месцамі магчымы кароткачасовыя дажджы, навальніцы. Вецер заходняй чвэрці ўмераны, пры навальніцах парывісты.