На мінулым тыдні экагастранамічная экспедыцыя "Па Беларусі з густам" пабывала ў гаспадарках і на прадпрыемствах Мінскага, Маладзечанскага і Дзяржынскага раёнаў, а тыднем пазней - 12 і 13 ліпеня - адбудзецца чарговы тур у Магілёўскую вобласць.
Такія гастранамічныя падарожжа, зразумела, без пачастункаў не абыходзяцца, аднак смачныя і каларытныя мясцовыя стравы - гэта не галоўны акцэнт, распавядае госць радыё Sputnik Беларусь, каардынатар эка-гастранамічнага руху Slow Food у Беларусі, старшыня аргкамітэта конкурсу "Прадукт года" Ігар Данілаў.
"Конкурс "Прадукт года" ўсё жыццё, больш за 20 гадоў займаўся прамысловай прадуктовай вытворчасцю, а арганікі і прыватнай у нас ніколі не было. Толькі з прыходам незалежнасці ў нас пачалі ўтварацца фермеры, потым аграсядзібы, а гэта цяжкая, не заўсёды ўдзячная праца. У іх не хапае грошай, якія яны літаральна закопваюць у зямлю. Усе бачаць, што здарылася ў гэтым годзе з трускаўкай, яе шмат выгадавалі, а ніхто не бярэ, і фермеру прасцей яе выкінуць, нету планаў, у нас фермер прадстаўлены сам сабе. Таму з 3 тысяч зарэгістраваных дай бо калі пятая - шостая частка паспяхова працуе", - кажа Данілаў.
Арганізатарам конкурсу "Прадукт года" за 20-гадовую гісторыю атрымалася пазнаёміцца з усёй беларускай тэрыторыяй і мясцовымі вытворцамі прадуктам харчавання, якія цяпер могуць быць зацікаўлены ў вытворчасці арганічных прадуктаў харчавання.
"Фермерам патрэбна дапамога ў лагістыцы, у продажы, у юрыдычных пытаннях, натарыяльных і інфармацыйных рэсурсах, мая вялікая надзея - гэта беларускія прадпрыемствы, якія хочуць і гатовыя прыняць экспедыцыю, суправадзіць, і ў той жа час праматываваць уласную прадукцыю", - распавядае Данілаў.
Паездка на Магілёўшчыну, якую анансуе суразмоўца Sputnik, на наступным тыдні будзе прымеркавана да старадаўняга беларускага абраду Брязгун - ушанавання святога абраза Пятра і Паўла і цудатворнай крыніцы ў вёсцы Норкі Чэрыкаўскага раёна. Асноўнай жа мэтай экспедыцый застаецца магчымасць звязаць спажыўцоў напрамую з вытворцамі арыгінальных беларускіх прадуктаў, а таксама пабываць на мясцовых прадпрыемствах і пазнаёміцца з этнічнымі традыцыямі.
Поўную версію размовы з каардынатарам эка-гастранамічнага руху Slow Food у Беларусі, старшынёй аргкамітэта конкурсу "Прадукт года" Ігарам Данілавым глядзіце ў відэатрансляцыі.