МІНСК, 5 ліп - Sputnik. Прэзідэнт Беларусі Аляксандр Лукашэнка ад імя беларускага народа і сябе асабіста выказаў спачуванні прэзідэнту Расіі Уладзіміру Пуціну і сем'ям загінулых у выніку паводкі ў Іркуцкай вобласці, паведамілі ў пятніцу ў прэс-службе кіраўніка дзяржавы.
Паводкі ў Іркуцкай вобласці пачаліся ў канцы чэрвеня, у рэгіёне дзейнічае рэжым надзвычайнай сітуацыі. Колькасць ахвяр паводкі дасягнула двух дзясяткаў.
"У Рэспубліцы Беларусь з вялікім хваляваннем і спагадай успрынялі вестку пра шматлікія чалавечыя ахвяры і маштабныя разбурэнни, выкліканыя паводкай у Іркуцкай вобласці", - гаворыцца ў спачуванні Лукашэнкі расійскаму калегу.
Беларускі лідар папрасіў перадаць словы шчырай падтрымкі і пажаданні здароўя пацярпелым.
"Вельмі спадзяемся на больш хуткае аднаўленне і вяртанне да нармальнага рытму жыцця пацярпелага расійскага рэгіёна", - дадаў Лукашэнка.
Паводка аказалася самай буйной за ўсю гісторыю метэаназіранняў у Іркуцкай вобласці. Прычынай надзвычайнага здарэння сталі працяглыя ліўні.