Аматары гісторыі і рэканструктары сабраліся ў Міры, каб убачыць, як адбывалася бітва за замак у 1812 годзе.
Яшчэ напярэдадні ўвечары войскі разбілі лагер на беразе ракі, але ўваход туды быў дазволены толькі рэканструктарам - гасцям прыходзілася здавольвацца наглядам за бытам войскаў здалёк.
У першы дзень фестывалю была запланаваная бітва ў яблыневым садзе. Бой пачаўся а шостай гадзіне вечара. Гледачы паспяшаліся заняць лепшае месца ля агароджы, а некаторыя акупавалі замкавы вал, каб назіраць за бітвай з вышыні, але былі крыху расчараваныя - асноўныя падзеі адбываліся ў садзе, і за дрэвамі складана было што-небудзь убачыць.
Самай выдатнай кропкай нагляду апынуўся тыл напалеонаўскай арміі. Глядзіце ў фаталенце, як адбылася бітва ля сцен замка - з такога ракурсу вы яе дакладна не бачылі.