ВІЦЕБСК, 14 ліп - Sputnik. Магніцікі, на якіх намаляваны Аляксандр Лукашэнка, часцей за ўсё купляюць падчас "Славянскага базару", іх бяруць нават лепш, чым магніты з сімволікай фестывалю.
Пакупнікі ў асноўным - жыхары Сінявокай, для якіх Лукашэнка з'яўляецца своеасаблівым брэндам.
"Мяне падштурхнулі да таго, каб рабіць падобныя рэчы, самі пакупнікі, якія пастаянна падыходзілі і пыталіся, ці ёсць магніцікі з прэзідэнтам. Я і вырашыў, калі хочаце - атрымайце. І, ведаеце, бяруць і вельмі добра", - распавёў карэспандэнту Sputnik прадавец магніцікаў Сяргей.
За адзін дзень ён прадае каля 10 магніцікаў з Лукашэнкам, часам больш. Па словах Сяргея, часта бацькоў прыводзяць дзеці і просяць "купіць прэзідэнта".
Магніцікі з Лукашэнкам адны з самых дарагіх у Сяргея, паколькі ён ведае, што заўсёды іх зможа распрадаць, у адрозненне ад іншых.
Карэспандэнт асабіста пераканаўся ў папулярнасці гэтага тавару: спачатку размовы ў Сяргея купілі перадапошні магніцік з Лукашэнкам, а праз пяць хвілін у прадаўца забралі і апошні.