ГРОДНА, 16 ліп - Sputnik, Іна Грышук. Пашыраная тэрыторыя свята, намётавы гарадок, фудкорт і начная праграма, а таксама вялікая колькасць цюнінгаваных і рэдкіх аўтамабіляў чакае гасцей аўтафестывалю SunDay, які пройдзе ў бліжэйшыя выхадныя ў Гродне.
Аўтамабільны фестываль пройдзе 20 ліпеня каля Юбілейнага возера. Па словах арганізатараў, у гэтым годзе яны чакаюць прыезд рэкорднай колькасці замежных удзельнікаў. Чакалі, што на фэст прыедзе 400 рэдкіх машын з-за межаў Беларусі, а ў выніку адабралі больш за паўтысячы. І гэта нягледзячы на тое, што крытэрыі адбору ў гэтым годзе былі як ніколі строгімі. Арганізатары паведамляюць, што ў гэтым годзе да фестывалю павышаную ўвагу праявілі замежнікі. Каб змясціць усіх, нават прыйшлося пашыраць тэрыторыю фестывалю.
Гасцей свята чакае шмат прыемных сюрпрызаў. Так, у гэтым годзе перад галоўнай сцэнай выставяць легендарныя аўтамабілі з "Фарсажу", а таксама разыграюць 1000 літраў паліва.
Тэмай юбілейнага аўтафестивалю сталі легендарныя японскія аўтамабілі. Такіх машын у нашай краіне амаль няма. Таму ўдзельнікі едуць здалёк. Acura NSX - з Адэсы, Nissan Skyline GT-R - з Калінінграда, Піцера і Уладзікаўказа, Toyota Supra - з Вільнюса, Mazda RX7 і Subaru BRZ - з Масквы.
Асабліва магутна будуць прадстаўлены катэгорыі "Шоу-кары" і "Цюнінг". На аўтавозах у Гродна вязуць унікальныя хот роды і цюнінг-праекты, якія заваявалі замежныя выставы. Будуць і аўтамабілі коштам звыш за 350000 долараў - з Германіі вязуць і рэдкія для Беларусі родстары Morgan.
Глядзіце фотастужку Sputnik з леташняга фестывалю.
Папярэдняя праграма фэсту
19 ліпеня:
18:00 - пачатак засялення намётавага мястэчка
20 ліпеня:
8:00 - заезд удзельнікаў на фестываль
12:00 - уваход для гледачоў
14:00 - Урачыстае адкрыццё SunDay-2019 з удзелам аўтаклубаў
14:30 - Фінал конкурсу "Яскравы прыклад" ад "Малочнага Свету"
Выезд да сцэны лепшых аўтамабіляў у катэгорыях: "Спорт", "Янгтаймеры", "Цюнінг", "Рэтра", "Стенс", JDM-легенды, Шоу-Кары
17:00 - Конкурс "Big Boss"
17:30 - Конкурс "Міс SunDay"
18:30 - Узнагароджанне пераможцаў у конкурсах "Аўтамабільнага дома "Кардэна"
19:00 - Вынікі конкурсу "Лепшы аўтамабіль SunDay-2019"
19:10 - Розыгрыш за 1 000 літраў паліва ад "Беларуснафты Гроднааблнафтапрадукту"
20:00 - Эратычная мыйка
20:30 - Конкурс "Самы гучны выхлап"
21:00 - Канцэрт IOWA
да 05:00 - Энергічны Open Air пад трэкі папулярных DJ.
Другая сцэна, зона фудкорта:
14:30 - Танцавальная праграма з удзелам каманд горада Гродна
15:30 - Jungle X-mas і кавер-бэнд "Свае" - Гродна
16:30 - Brooklyn Midivoize - Гродна
17:15 - Rower - Брэст
18.00 - BisBand - Мінск
19:00 - Хэдлайнеры малой сцэны - DeeTree - Мінск
Для дзяцей да 12 гадоў на фестываль уваход бясплатны. Для малых будуецца вялікі гульнявы гарадок, атракцыёны ў які вязуць з многіх гарадоў Беларусі. На фестывалі будуць бясплатна працаваць аніматары: забавы, майстар-класы і падарункі пацешаць не толькі дзяцей, але і іх бацькоў.
Для кампаній старэй арганізатары і партнёры фестывалю правядуць бясплатны квэст: наведвальнікам прапануюць прайсці "Тэхагляд", які складаецца з 10 вясёлых конкурсаў. Тых, хто паспяхова выканае заданні квэста, без падарункаў не пакінуць.
На юбілейным фестывалі усталёўваецца 2500 пасадачных месцаў. Размешчаны яны будуць насупраць другой сцэны фестывалю, на якой выступяць таленавітыя калектывы з Гродна, Брэста і Мінска.
Вядучымі фэсту стануць Андрэй Ирха, Рустам Дранікаў, Яраслаў Чычын, Сяргей Годзя і Дзяніс Громаў (Брэст).
Адказы на частыя пытанні
Што ўключана ў білет?
Наведванне аўтавыставы днём + гульні + вячэрні канцэрт IOWA + дыскатэка да раніцы. Бонус: намётавы гарадок з усімі выгодамі.
На фестываль па білеце можна будзе зайсці 1 раз або часцей? Калі я выйду і зайду зноў, ці трэба зноў плаціць?
Не, можна заходзіць неабмежаваную колькасць разоў па адным і тым жа білеце.
Калі можна прыязджаць у намётавы гарадок?
Ён пачынае працу 19 ліпеня ў 18:00. Засяленне толькі па жывой чарзе, без броні. Ноччу заязджаць можна. Месцы могуць фізічна скончыцца. На месцы будзе пракат намётаў. Бронь: +375 (29) 7830000. Кошт пракату ад 18 рублёў.
Ці дазволеныя вогнішчы ў намётавым лагеры?
Забароненыя. Толькі мангалы (пры наяўнасці вогнетушыцеля). Вуголле неабходна заліць вадой пасля прыгатавання ежы.
Ці можна палётаць на квадракоптары над фестывалем?
Не. Палёты дазволеныя толькі на сертыфікаваных квадракоптарах. Тэрыторыя фестывалю - гэта аэрадром, дзе ў першую чаргу будуць ажыццяўляцца палёты на самалёце і шрубалёце.
За дзяцей плаціць трэба?
Дзецям да 12 гадоў уключна уваход бясплатны.
З сабакамі можна?
Не. На фестывалі шмат дзяцей. Якой бы добрай сабака не была, яе лепш пакінуць дома.
Ці можна купіць білет на фестывалі?
Так. Толькі кошт будзе крыху вышэй.
Як дабрацца?
З Гродна і назад будуць пастаянна курсіраваць аўтобусы ад прыпынку "Тытунёвая фабрыка".
Касы ў Гродне: вул. 17 верасня, 50 (каля "Еўраопта" і заапарк)
Час працы: панядзелак: з 08.00 да 17.00 (абед з 13.00 да 14.00)
ауторак - субота: з 11.00-19.00 (абед з 13.00 да 14.00)
Нядзеля выхадная.
Альбо купіць праз інтэрнэт: sunday-festival.by.