МІНСК, 18 ліп - Sputnik. Барысаўскі клуб БАТЭ здолеў атрымаць перамогу ў складаным гасцявым матчы супраць ФК "Пяст" у рамках першага кваліфікацыйнага раўнду Лігі чэмпіёнаў УЕФА, перадае карэспандэнт Sputnik.
Гульня адбылася ўвечары ў сераду 17 ліпеня на хатнім стадыёне чэмпіёна Польшчы ў горадзе Глівіцэ.
Лік у гульні адкрыў "Пяст" - на 21-й хвіліне ў вароты Антона Чычкана здолеў трапіць Якуб Чэрвіньскі. Гледачы, якія прыйшлі на стадыён у Глівіцэ, у першым тайме больш галоў не ўбачылі.
Першую палову другога тайма каманды правялі практычна на роўных, а вось на 82-й хвіліне з пенальці гол у вароты палякаў забіў Эрвейн Мукам. БАТЭ замацаваў поспех на 82-й хвіліне - вызначыўся Захар Волкаў.
Такім чынам, па выніках дзвюх сустрэч лік стаў 3:2 на карысць барысаўчан, якія прайшлі ў наступны раўнд кваліфікацыі Лігі чэмпіёнаў.
У другім раўндзе чэмпіён Беларусі сустрэнецца з нарвежскім футбольным клубам "Русенборг" з Тронхейма: гульня адбудзецца 23 ліпеня. Нарвежцы ў першым раўндзе без праблем прайшлі паўночнаірландскі "Лінфілд" - рахунак па выніку дзвюх сустрэч 6:0.