МІНСК, 22 ліп - Sputnik. Мультфільм "Кароль Леў" устанавіў рэкорд па касавых зборах сярод карцін, якія выходзілі ў ліпені, сведчаць дадзеныя кінадыстрыб'ютараў.
Абноўлены пры дапамозе тэхналогіі 3D-анімацыі Live Motion мультфільм "Кароль Леў" выйшаў на экраны на мінулым тыдні і адразу стаў галоўным хітом кінапракату.
Як сведчаць дадзеныя кінадыстрыб'ютараў, сумарныя касавыя зборы новага "Караля Льва" ў першыя выхадныя склалі 531 мільён долараў, у тым ліку 185 - у ЗША.
Такім чынам, "Кароль Леў" ужо ўсталяваў першы рэкорд: ні адна з прэм'ер ліпеня раней не атрымоўвала падобную касу ў першыя выходныя. Абышоў мультфільм і апошнюю частку "Гары Потэра", і "Цёмнага рыцара".
Паводле прагнозаў экспертаў, сумарныя касавыя зборы абноўленага "Караля Льва" на працягу тыдня перавысяць мільярд долараў. Таксама ў бліжэйшыя дні адзнаку ў мільярд пераадолее яшчэ адна карціна Disney: "Чалавек-павук: удалечыні ад дома".