МІНСК, 24 ліп - Sputnik. Беларускі дзяржаўны ўніверсітэт (БДУ) назваў прахадныя балы на філалагічны і геаграфічны факультэты, а таксама на Інстытут экалогіі імя Сахарава.
Залічэнне першакурснікаў дзённай бюджэтнай формы атрымання адукацыі працягваецца ў БДУ. Так, у сераду адбылося залічэнне для трох падраздзяленняў: факультэтаў геаграфіі і геаінфарматыкі, а таксама філалагічнага і МГЭІ імя А. Д. Сахарава.
Прахадны бал на факультэт геаграфіі і геаінфарматыкі па агульным конкурсе склаў 268 балаў (летась - 230). Больш за ўсё патрабавалася набраць на "Геаінфармацыйныя сістэмы (напрамак - зямельна-кадастравыя)" - 321, самы ж нізкі патрабаваўся на "Геаграфію" і "Геаэкалогію" - 268.
На філфак на англійскую філалогію прахадны бал склаў 327 (у мінулым годзе быў 352). Максімальны на факультэце прахадны бал - на кітайскай філалогіі: 365. На нямецкую філалогію патрабавалася 332 балы, на італьянскую і французскую - 326.
Прыкметна выраслі прахадныя балы ў Міжнародны дзяржаўны экалагічны інстытут імя Сахарава. Так, на "Прыродаахоўную дзейнасць" ён вырас са 118 у 2018 годзе да 242 у гэтым. Для вучобы на спецыяльнасці "Энергаэфектыўныя тэхналогіі і энергетычны менеджмент" патрабавалася ад 250 балаў (у 2018-м - 164), на "Ядзернай і радыяцыйнай бяспеке" і "Медыцынскай фізіцы" - 242 (у мінулым - 195).
На спецыяльнасць "Медыцынская экалогія" прахадны бал склаў 305 (у 2018 - 289), а на "Медыка-біялагічнй справе" - 293 (у 2018 - 274).
Нарэшце, для спецыяльнасці "Інфармацыйныя сістэмы і тэхналогіі (у ахове здароўя)" патрабавалася ад 293 балаў (было 286), на "Інфармацыйныя сістэмы і тэхналогіі (у экалогіі)" - 288 (у 2018 - 282).