МІНСК, 25 ліп - Sputnik. Штармавое папярэджанне аб'яўлена ў Беларусі на чацвер 25 ліпеня з-за навальніц і моцных ліўняў, паведамілі ў сераду ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
"Раніцай і днём 25 ліпеня ва ўсходніх і цэнтральных раёнах краіны месцамі чакаюцца навальніцы і моцныя дажджы", - сказалі ў Гідрамеце.
Там таксама паведамілі, што ў сувязі з неспрыяльнымі ўмовамі надвор'я абвешчаны жоўты (другі) узровень небяспекі.
Па дадзеных сіноптыкаў, у бліжэйшыя суткі ноччу тэмпература паветра складзе ад +9 да +15°С, днём - да +24°С, на захадзе краіны - да +28°С.