МІНСК, 5 жні - Sputnik. Місія МАГАТЭ па разглядзе пытанняў эксплуатацыйнай бяспекі пачала працу на Беларускай АЭС у панядзелак 5 жніўня, паведамілі ў Міністэрстве энэргетыкі рэспублікі.
Спецыялісты міжнароднай арганізацыі пацвердзяць гатоўнасць прадпрыемства "Беларуская АЭС" да ўводу станцыі ў эксплуатацыю і далейшай бяспечнай эксплуатацыі двух яе энергаблокаў.
Па дадзеных Мінэнерга, эксперты будуць працаваць на Беларускай АЭС да 22 жніўня.
Місія групы аналізу эксплуатацыйнай бяспекі МАГАТЭ (Pre-OSART) у адпаведнасці з рэгламентам арганізацыі наведвае з праверкамі АЭС, якія будуюцца і ўводзяцца ў эксплуатацыю, да загрузкі ў рэактары ядзернага паліва.
БелАЭС узводзіцца ў Гродзенскай вобласці недалёка ад горада Астравец, генпадрадчык - расійская карпарацыя "Атамбудэкспарт". Праект, па якім будуецца АЭС, адказвае постфукусімскім нормам бяспекі. Станцыя будзе складацца з двух энергаблокаў, першы плануецца запусціць восенню бягучага года, другі - у 2020-м.