МІНСК, 14 жні - Sputnik. Узровень зарэгістраванага беспрацоўя ў Беларусі па дадзеных на 1 жніўня бягучага года склаў 0,3%, пра гэта паведамілі ў міністэрстве працы і сацыяльнай абароны Беларусі.
Паводле звестак Мінпрацы, паказчык становіцца менш: у параўнанні з аналагічным перыядам мінулага года, узровень зарэгістраванага беспрацоўя ў краіне знізіўся на 0,1% (з 0,4% да 0,3%).
Самы нізкі ўзровень зарэгістраванага беспрацоўя традыцыйна назіраецца ў сталіцы і Мінскай вобласці: 0,1% і 0,2% адпаведна. На Гомельшчыне гэты паказчык дасягае 0,3%, а ў Брэсцкай, Віцебскай, Гродзенскай і Магілёўскай абласцях - 0,4%.
"На ўліку ў якасці беспрацоўных на 1 жніўня 2019 года было 12 тысяч чалавек, што на 27,6% беспрацоўных менш, чым на 1 жніўня 2018 года (16,6 тысячы чалавек)", - паведамілі ў Мінпрацы.
Адзначаецца таксама, што ў цяперашні час у рэспубліцы наймальнікамі прапанавана 90,5 тысячы свабодных рабочых месцаў (супраць 77 тысяч у папярэднім годзе).
Попыт на работнікаў па рабочых прафесіях склаў 64,5% ад агульнай колькасці вакансій. У першым паўгоддзі па дапамогу ў пошуку працы звярнуліся 114,9 тысячы чалавек, каля паловы паставілі на ўлік у якасці беспрацоўных.