МІНСК, 19 жні - Sputnik. Аранжавы ўзровень небяспекі прадоўжаны ў Беларусі на 20 жніўня з-за спякоты і навальніц, пра гэта папярэдзілі ў Белгідраметцэнтры.
"У аўторак ноччу па паўночна-заходняй палове рэспублікі, раніцай і днём на большай частцы тэрыторыі чакаюцца навальніцы, месцамі моцныя ліўні, пры навальніцах у асобных раёнах шквалістае ўзмацненне ветру парывамі да 15-20 метраў у секунду. У дзённы час па паўднёвым усходзе краіны максімальная тэмпература паветра дасягне +30..+31°С ", - распавялі сіноптыкі.
У Мінску 20 жніўня верагоднасць навальніцы ноччу і ў першай палове дня даволі высокая - 90%, у дзённы час пры навальніцах у хуткасць ветру будзе дасягаць 15-20 метраў у секунду. Пры гэтым спёкі чакаць не варта: па прагнозах максімальная тэмпература паветра складзе +22..+24°С.
Штармавое папярэджанне аб'яўлена ў Беларусі і 19 жніўня з-за спякоты і навальніц. Па паўднёвым захадзе рэспублікі паветра прагрэецца да +30..+31°С, а на паўночным захадзе чакаюцца дажджы, якія суправаджаюцца моцным ветрам.