МІНСК, 3 вер - Sputnik. Надзвычайны і Паўнамоцны пасол Расіі ў Беларусі Дзмітрый Мезенцаў наведаў 2-га верасня Мінскі філіял Расійскага эканамічнага ўніверсітэта імя Пляханава, дзе сустрэўся са студэнтамі і кіраўніцтвам ВНУ.
Праз 30 гадоў яны будуць вызначаць лёс свету
Візіт у навучальную ўстанову быў прымеркаваны да пачатку новага навучальнага года. Першапачаткова планавалася, што гэта будзе класічная лекцыя на працягу акадэмічнай гадзіны, але пасол адразу задаў сустрэчы іншы тон і фармат. Ён "заваліў" студэнтаў пытаннямі, "выклікаў іх да дошкі", шмат жартаваў і ў такім жа ключы потым адказаў на адно з пытанняў журналістаў.
"Я сёння пазнаёміўся з чалавекам, які ў 2049 годзе стане мэрам Мінска", - у жартаўлівай форме падзяліўся пасол з журналістамі сваімі ўражаннямі ад гутаркі са студэнтамі.
"Такая гутарка важная для нас, старэйшага пакалення, каб ведаць, чым жывуць сёння маладыя, як яны бачаць сваю будучыню. Ці разумеюць яны, што праз 25-30 гадоў на іх плечы ляжа адказнасць за тое, якой будзе сацыяльна-эканамічнае жыццё Рэспублікі Беларусь", - перайшоў на сур'ёзны тон кіраўнік расійскага дыппрадстаўніцтва ў Беларусі.
Паводле яго слоў, менавіта цяперашнія студэнты праз 30 гадоў будуць вызначаць і лёс Расіі, і тое, як будуць складвацца ўзаемаадносіны з братэрскай Беларуссю, суседнімі краінамі.
"Менавіта яны, гэтак жа, як іх аднагодкі ў Еўропе, ЗША і Ціхаакіянскім рэгіёне, будуць фарміраваць тую тканіну адносінаў, якая павінна зрабіць наш свет больш бяспечным, больш стабільным і больш надзейным", - сказаў пасол Мезенцаў.
Ён адзначыў, што не выпадкова на сустрэчы са студэнтамі ўзняў пытанні пра ўплыў і ролю інтэрнэту, пра тыя пагрозы, якія існуюць у сучасным жыцці.
"Мы сёння не закраналі тэму міжнароднага парадку, але, я думаю, што ў нас з рабятамі яшчэ будзе магчымасць пагаварыць пра гэта", - падкрэсліў ён.
Дзмітрый Мезенцаў адзначыў, што яму было "вельмі важна ўбачыць і зразумець, як хлопцы жыва рэагуюць на важныя пытанні, цікавыя ў любым узросце - што такое праца, што такі час, што такое адказнасць".
Зносіны на роўных
Сваю лекцыю перад будучымі кіраўнікамі Мезенцаў пабудаваў у выглядзе дыялогу і, па сутнасці, выступіў мадэратарам мерапрыемства, адзначыўшы, што яму куды важней пачуць меркаванне студэнтаў, чым прачытаць ім лекцыю.
Студэнты, якіх пасол запрашаў выйсці да яго, некалькі бянтэжыліся з-за высокага статусу прамоўцы, але досыць упэўнена вялі дыялог, адказвалі на пытанні, нават жартавалі.
Размова пачалася з пытання аб тым, якім студэнты ВНУ бачаць свет праз 30 гадоў, якімі ў 2049 года будуць Беларусь, Еўропа, Расія, ЗША. Паслу было цікава меркаванне аўдыторыі аб тым, што будзе праз трыццаць гадоў з атамнай зброяй, інтэрнэтам і ці заменіць штучны інтэлект жывыя зносіны паміж людзьмі.
Дзмітрый Мезенцаў паспеў пагутарыць з моладдзю на розныя тэмы, у прыватнасці, пра тое, якую ролю ў сучасным свеце гуляюць кнігі. Пры гэтым ён паведаміў, што ў бліжэйшыя дні ў Маскве адкрыецца міжнародная кніжная выстава, ганаровым госцем якой у гэтым годзе стане Рэспубліка Беларусь. Акрамя кніжных навінак, на выставе ў Маскве будзе прадстаўлены друкаваны станок XVI стагоддзя.
Пасол размаўляў са студэнтамі крыху больш акадэмічнай гадзіны. Бо ў кандыдата псіхалагічных навук, прафесара Дзмітрыя Фёдаравіча Мезенцава вялікі вопыт выкладчыцкай дзейнасці - ён з'яўляецца загадчыкам кафедры палітычнай псіхалогіі факультэта псіхалогіі Санкт-Пецярбургскага дзяржаўнага універсітэта.
Пасля лекцыі для пасла правялі экскурсію па ВНУ.