МІНСК, 9 вер - Sputnik. У панядзелак у Беларусі будзе да 30 градусаў цяпла, гарачэй за ўсё будзе ў Брэсце, Гомелі і Гродне, распавялі ў Белгідраметцэнтры.
На тэрыторыі краіны не чакаецца небяспечных і неспрыяльных з'яў надвор'я, але будзе воблачна. Таксама сіноптыкі адзначылі, што 9 верасня ў дзень дажджы не прадбачацца, але ноччу месцамі па захадзе краіны пройдуць кароткачасовыя дажджы з навальніцамі. Будзе дзьмуць паўночны вецер, ноччу - слабы, днём - умераны, па захадзе рэспублікі магчымы парывы ветру.
Тэмпература паветра ў ноч з нядзелі на панядзелак складзе 10-16 градусаў цяпла, а днём у першы дзень працоўнага тыдня ў асобных гарадах чакаецца да 29 градусаў. Гарачэй за ўсё будзе ў Брэсце, Гомелі і Гродне, у Мінску паветра можа прагрэцца да 27 градусаў, такое ж надвор'е чакаецца ў Віцебску, на адзін градус цяплей будзе ў Магілёве.