"Франтавы альбом" - сумесны праект Sputnik і Wargaming, які аб'ядноўвае ўсіх тых, хто гатовы падзяліцца франтавымі гісторыямі сваіх сваякоў. Так, у нядзелю падчас Дня танкіста ў Мінску на спецыяльным стэндзе можна будзе запоўніць анкету аб сваіх дзядах і прадзедах і распавесці іх ваенную гісторыю на камеру.
У далейшым гэтыя гісторыі будуць даступныя і на сайце sputnik.by, і на сайце "франтавога альбома", распавядае госць радыё Sputnik Беларусь - галоўны рэдактар праекта "Франтавы альбом" Аляксандр Сірата.
"Ужо сабрана амаль 2 з паловай тысячы гісторый, у нас на сайце яны стылізаваныя пад дакументы часоў Другой сусветнай, такія ўлікова-паслужныя карткі з фотаздымкамі. Па вялікім рахунку, гэта падобна да сацсеткі, толькі ў якасці акаўнтаў не вы самі, а ваш дзядуля. І можна знайсці таварышаў па службе, калі вы пакажаце полк, у якім ваяваў ваш дзядуля, калі месца нараджэння - знойдзецца, хто там нарадзіўся побач, або месца баявой славы таксама можна будзе паглядзець, хто ваяваў побач з вашым дзедам", - распавядае Сірата.
З аднаго боку, госці "WG Fest 2019: Дзень танкіста" падчас свята могуць расказаць пра сваіх продкаў, якія ваявалі, і нават зняць гэты аповяд на відэа. З іншага боку, гэта магчымасць зірнуць на франтавую гісторыю пад іншым вуглом. "Франтавы альбом" - гэта погляд на гісторыю з боку чалавека, і нашы продкі, якія ваявалі, таксама з'яўляюцца часткай гэтай гісторыі, адзначае суразмоўца Sputnik.
Поўную версію размовы з галоўным рэдактарам праекта "Франтавы альбом" Аляксандрам Сіратой глядзіце ў відэатрансляцыі.