МІНСК, 24 вер - Sputnik. Урад змяніў статус заказніка "Лябяжы", адпаведная пастанова Савета міністраў Беларусі апублікавана на афіцыйным сайце ўрада.
З рэспубліканскага біялагічнага заказніка "Лябяжы" пераўтвораны ў рэспубліканскі заказнік. Яго тэрыторыя падпадае пад дзеянне закона "аб асабліва ахоўных прыродных тэрыторыях". Гэта азначае, што ў заказніку забаронена выконваць рубкі галоўнага карыстання, нарыхтоўваць дзікарослыя расліны і драўняныя сокі, касіць сена, паляваць, карыстацца воднымі транспартнымі сродкамі з рухавікамі ўнутранага згарання звыш за 15 конскіх сіл. Тут таксама забаронена аматарскае (за выключэннем некаторых выпадкаў) і прамысловае рыбалоўства.
Парушальнікаў рэжыму аховы і выкарыстання заказніка чакае крымінальная, адміністрацыйная і іншая адказнасць у адпаведнасці з заканадаўствам.