МІНСК, 27 вер - Sputnik. Беларускі цяжкаатлет Андрэй Арамнаў выйграў срэбны медаль на чэмпіянаце свету ў Патае (Тайланд), паведамляе Sputnik.
У вагавой катэгорыі 109 кг беларус па суме двух практыкаванняў - рывок і штуршок - набраў 426 кг (198 + 228). Акрамя таго, у рыўку Арамнаў заваяваў малое срэбра, у штуршку - малую бронзу.
Чэмпіёнам свету стаў спартсмен з Арменіі Сымон Марцірасян з вынікам 429 кг (199 + 230). Бронза дасталася кітайскаму цяжкаатлету Яну Чжэ, які набраў па суме дваябор'я 420 кг (197 + 223).
Нагадаем, раней малое срэбра выйграў Аляксандр Берсанаў, а Яўген Таханцаў стаў чэмпіёнам свету.