МІНСК, 6 кас - Sputnik. Халоднае надвор'е з начнымі замаразкамі ўсталюецца 6-7 кастрычніка, паведамілі ў Гідраметцэнтры.
Халодныя няўстойлівыя паветраныя масы паступаюць у Беларусь з паўночных мораў.
У нядзелю, 6 кастрычніка, чакаецца воблачнае з праясненнямі надвор'е. У асобных раёнах кароткачасовыя ападкі - дождж і мокры снег. Вецер паўночны, умераны.
Ноччу на большай тэрыторыі Беларусі тэмпература можа апусціцца да 0..-4°С, у некаторых рэгіёнах будзе цяплей - да +1..+6°С. Максімальная тэмпература днём ад +2°С па поўначы да +10°С па паўднёвым усходзе.
У панядзелак, 7 кастрычніка, у асобных раёнах пройдуць кароткачасовыя ападкі. Ноччу - слабы галалёд. Вецер паўночны, паўночна-заходні слабы да ўмеранага.
Ноччу на большай частцы тэрыторыі замаразкі - тэмпература апусціцца да 0..-5°С, месцамі +1..+4°С. Максімальная тэмпература днём +2..+7°С.