МІНСК, 7 кас - Sputnik. Ад'езд ваеннага аташэ з'яўляецца планавай ратацыяй у пасольстве, сказаў пасол Расіі Дзмітрый Мезенцаў, перадае карэспандэнт Sputnik.
Адказваючы на пытанне пра абставіны ад'езду ў Расію ваеннага аташэ, кіраўнік дыпмісіі заявіў, што інфармацыя пра высылку дыпламата за шпіянаж "абсалютна не адпавядае рэчаіснасці".
"Гэта планавая замена", - удакладніў Дзмітрый Мезенцаў.
На ўдакладняючае пытанне, ці скончылася ў ваеннага аташэ дыпмісія, расійскі пасол адказаў станоўча.
"Я не разумею, адкуль развяліся гэтыя здагадкі. Для гэтага няма ніякіх падставаў", - запэўніў ён. Паводле яго слоў, новы ваенны аташэ прыбудзе ў Мінск да канца года.
Транзіт нафты
Адказваючы на пытанне аб скарачэнні транзіту расійскай нафты па тэрыторыі Беларусі, Дзмітрый Мезенцаў сказаў, што не гатовы гэта каментаваць, але ўдакладніць інфармацыю ў Мінэканамразвіцця.
Расія планавала забяспечыць у 2019 годзе транзіт праз Беларусь 48 мільёнаў тон нафты. Пра тое, што ён будзе ніжэй за план, заявілі ў чацвер, 3 кастрычніка, у кампаніі "Транснефць". Віцэ-прэзідэнт кампаніі Сяргей Андронаў удакладніў, што транзіт будзе менш на 6,4 мільёна тон.
Мінскі дыялог
"Мы плануем абмеркаваць ініцыятывы, якія прапанавалі маладыя даследчыкі, маладыя эксперты", - распавёў пасол Расіі.
Паводле яго слоў, прапанаваны дакумент дастаткова збалансаваны і "падтрымлівае падыходы Беларусі як краіны, якая гатовая стаць донарам бяспекі і садзейнічаць зніжэнню ўзроўню напружанасці ў рэгіёне".
Sputnik раскажа, да якіх высноваў прыйшлі ўдзельнікі "Мінскага дыялогу" па выніках дыскусіі.