МІНСК, 27 кас - Sputnik. Слоганам песеннага конкурсу "Еўрабачанне - 2020" стане "Open up", што ў перакладзе азначае "Адкройся". Аб гэтым паведамляецца на афіцыйным сайце конкурсу.
Лагатып будзе выпушчаны пазней. Як адзначыў выканаўчы прадзюсар конкурсу, слоган наўмысна прыдуманы няпоўным.
"Ён прапануе адкрыцца адзін аднаму, для музыкі, адкрыць Ратэрдам, адчуць свабоду, каб скончыць слоган па-свойму. Такім чынам, мы больш даведаемся пра адзін аднаго", - сказаў Сітцы Бакер.
У 2019 годзе перамогу на "Еўрабачанні" заваяваў удзельнік з Нідэрландаў Дункан Лоўрэнс, які выканаў песню Arcade. Па ўмовах, у наступны раз песеннае спаборніцтва будзе прымаць у сябе краіна-пераможца.
Паўфіналы адбудуцца ў Ратэрдаме 12 мая і 14 мая, а фінал - 16 мая.
Паводле апошніх звестак, 39 краін пацвердзілі свой удзел у конкурсе.