МІНСК, 2 ліс - Sputnik. Хакейная каманда прэзідэнта Беларусі Аляксандра Лукашэнкі з разгромным лікам абыграла зборную Віцебскай вобласці ў рамках XIII Рэспубліканскіх спаборніцтваў па хакеі сярод аматараў, паведамілі ў прэс-службе Прэзідэнцкага спартыўнага клуба.
Сустрэча другога тура прайшла сёння ў Лядовым палацы ў Віцебску. Госці былі мацнейшыя - 14:4 (3:0, 5:4, 6:0).
Сам прэзідэнт удзел ў матчы не прымаў. У гэтыя дні Лукашэнка знаходзіцца з афіцыйным візітам у ААЭ.
Пасля двух тураў каманда Лукашэнкі займае першае месца ў табліцы, набраўшы чатыры ачкі. Пры гэтым у дзвюх сустрэчах хакеісты закінулі 20 шайбаў і прапусцілі ўсяго шэсць.
Наступны матч прэзідэнцкая лядовая дружына правядзе 14 снежня ў Мінску супраць зборнай Гродзенскай вобласці.
Хакейная каманда Лукашэнкі дзесяць разоў перамагала ў спаборніцтвах сярод аматарскіх каманд. Па адной перамозе ў турніры ў хакеістаў Гомельскай і Мінскай абласцей.