Пуцін уручаў узнагароды ў панядзелак у Георгіеўскай зале Крамля - 4 лістапада ў Расіі адзначаецца Дзень народнага адзінства.
Дзяржузнагароды былі ўручаны 16 расійскім і замежным грамадзянам. У прыватнасці, медаль Пушкіна атрымаў беларускі палітолаг, прадстаўнік Інстытута краін СНД у Беларусі Мікалай Сяргееў.
"Гэтая ўзнагарода вельмі важная для нас у Беларусі, таму што руская культура і руская мова для Беларусі не з'яўляюцца чужымі", - адзначыў Сяргееў на цырымоніі ўручэння.
У аўторак 5 лістапада Пуцін правядзе пасяджэнне савета пры прэзідэнце па рускай мове. Адна з тэм - святкаванне 225-годдзе з дня нараджэння Аляксандра Пушкіна.
Медаль Пушкіна заснавана ў 1999 годзе і ўручаецца замежнікам, якія ўнеслі ўклад у галіне культуры і мастацтва. Сярод замежных грамадзян, узнагароджаных медалём, - першы прэзідэнт Кыргызстана Аскар Акаеў, экс-прэм'ер Дзяржсавета КНР Лі Пэн, былы генеральны сакратар ААН Хаўер Перэс дэ Куэльяр.