МІНСК, 5 ліс - Sputnik. Папулярная ў Расіі спявачка беларускага паходжання Рыта Дакота заспявала свой хіт "Спички" па-беларуску, відэа з урыўкам песні яна размясціла ў сваім Instagram.
"Любімая Беларусь, любімы Мінск! Я вельмі хутка да вас прыеду", – кажа яна напрыканцы відэа, анансуючы выступ, дзе прагучаць лепшыя песні і новыя хіты.
У самім пасце музыка назвала сябе з гумарам "бульбай", пост актыўна абмяркоўваюць падпісчыкі спявачкі. Яны кажуць, што знакаміты хіт вельмі прыгожа гучыць на беларускай мове і прапануюць выканаць яго ў такім варыянце падчас канцэрта.
Першапачаткова беларуская версія песні была створана ў 2009 годзе для праекта "Тузін. Перазагрузка". Пераклад зрабіў паэт Глеб Лабадзенка.
Чытайце таксама:
- Паліна Рэспубліка выпусціла беларускамоўны кавер на Ціму Беларускіх
- Кліп беларускага гурта набраў на YouTube 100 мільёнаў праглядаў
- Песня "Мільён пунсовых руж" на японскай стала хітом у інтэрнэце