МІНСК, 6 ліс - Sputnik. Расійская спявачка Ала Пугачова пакаштавала цукеркі, якія перадаў ёй прэзідэнт Беларусі Аляксандр Лукашэнка, адпаведны ролік яна апублікавала на сваёй старонцы ў Instagram.
Легенда эстрады таксама падзякавала кіраўніку дзяржавы за падарунак.
"Аляксандр Рыгоравіч, дзякуй! Дзякуй, прэзідэнт", - сказала спявачка.
На зададзенае прымадоне пытанне, ці смачныя прысмакі, яна кіўнула і адказала коратка: "Беларусь".
Нагадаем, што канцэрт легенды савецкай і расійскай эстрады Алы Пугачовай прайшоў у Мінску на "Мінск-Арэне" ў мінулую суботу, 2 лістапада. У той дзень ад імя Аляксандра Лукашэнкі кіраўнік Адміністрацыі прэзідэнта Наталля Качанава ўручыла спявачцы кветкі і вырабленыя па спецыяльнай тэхналогіі цукеркі, якія дораць толькі першым асобам дзяржаў.
На канцэрце спявачка прызналася, што любіць Беларусь. "Тут пахаваныя мае родныя, адсюль выйшлі мой бацька, дзед. Я адчуваю гэта", - сказала Пугачова і паабяцала прыехаць на наступны юбілей.
Раней кіраўнік дзяржавы падпісаў указ аб прысуджэнні Пугачовай ордэна Дружбы народаў. Узнагароду спявачцы паабяцалі ўручыць у пасольстве Беларусі ў Маскве.
Як зорку сустракалі на вакзале ў Мінску - глядзіце на Sputnik.
Чытайце таксама:
- Як Пугачова і яе гледачы правялі два дні ў Мінску - відэа
- Праспявайце нам Пугачову: колькі песень Алы ведаюць беларусы?
- Беларуская пісьменніца Дыяна Балыка: "Чакаю званка з Галівуда"