МІНСК, 11 ліс - Sputnik. Эксперты склалі рэйтынг самых пітушчых краін свету, адпаведныя дадзеныя ўтрымліваюцца ў публікацыі Арганізацыі эканамічнага развіцця і супрацоўніцтва "Здароўе сцісла".
Так, краінай з самым высокім спажываннем алкаголю на душу насельніцтва стала Літва. Жыхары гэтай краіны выпіваюць у сярэднім 12,3 літра алкаголю штогод. У першай тройцы таксама размясціліся Аўстрыя (11,8 літра) і Францыя (11,7).
У пяцёрку самых пітушчых у свеце краін патрапілі таксама Чэхія (11,6 літра) і Люксембург (11,3 літра). Шостую пазіцыю дзеляць Латвія і Ірландыя (паказчык у гэтых краінах - 11,2 літра ў год). Расія разам з Венгрыяй апынуліся на сёмым месцы (11,1 літра). У дзясятку трапілі яшчэ Германія, Партугалія і Польшча.
Дарэчы, самымі непітушчы, па дадзеных рэйтынгу, можна лічыць Інданезію (спажыванне алкаголю на душу насельніцтва тут складае ў сярэднім 0,3 літра ў год), а таксама Турцыю (1,4 літра) і Ізраіль (2,6 літра).