МІНСК, 11 ліс - Spuitnik. Нармальнай практыкай назваў перамовы прэзідэнта Беларусі Аляксандра Лукашэнкі ў Вене і Рызе прэс-сакратар расійскага прэзідэнта Дзмітрый Пяскоў. Паводле яго слоў, Беларусь, будучы ўдзельніцай Саюзнай дзяржавы, застаецца суверэннай краінай.
"Гэта ж суверэнная дзяржава, і цалкам нармальна, што яно ажыццяўляе кантакты з іншымі краінамі... Нават у рамках Саюзнай дзяржавы і Расія, і Беларусь ажыццяўляюць ўласныя кантакты, што з'яўляецца абсалютна нармальнай практыкай", - цытуе Пяскова агенцтва РІА "Новости".
Прэс-сакратара Пуціна папрасілі растлумачыць пытанне, ці разумеюць у Крамлі позву перамоваў Лукашэнкі ў Аўстрыі і Латвіі, і ці сочаць за гэтымі перамовамі.
Па словах Пяскова, традыцыйна пасля такіх візітаў Масква і Мінск інфармуюць адзін аднаго аб нейкіх важных элементах.
Прэзідэнт Беларусі Аляксандр Лукашэнка вылецеў у Вену з афіцыйным візітам у панядзелак, пра гэта паведаміла прэс-служба кіраўніка дзяржавы.
Плануецца, што ў аўторак у вузкім і пашыраным складах пройдуць перамовы Лукашэнкі з Федэральным прэзідэнтам Аўстрыі Аляксандрам Ван дэр Беленам. Бакі абмяркуюць працяг гандлёва-эканамічнага, інвестыцыйнага і гуманітарнага супрацоўніцтва, якое знаходзіцца на досыць высокім узроўні.
У цэнтры ўвагі будуць і палітычныя пытанні, у тым ліку ўзаемадзеянне Беларусі з Еўрасаюзам, а таксама ў фармаце "Усходняга партнёрства".
Мяркуецца, што прэзідэнт Беларусі сустрэнецца ў Вене са старшынёй Нацыянальнага савета Аўстрыі Вольфгангам Саботкам, а таксама са старшынёй Аўстрыйскай народнай партыі, дэпутатам Нацыянальнага савета Аўстрыі Себасцьянам Курцам. Сустрэча з Курцам, якога Лукашэнка вясной прымаў у Мінску, пройдзе ў фармаце рабочай вячэры.
У гэтыя ж дні ў Вене будзе праходзіць аўстрыйска-беларускі бізнэс-форум, у якім прымуць удзел дзелавыя колы дзвюх краін.
Плануецца, што ў час афіцыйнага візіту ў Аўстрыю будзе падпісаны шэраг двухбаковых дакументаў і бізнес-пагадненняў аб развіцці супрацоўніцтва па розных напрамках.