МІНСК, 13 ліс - Sputnik. Міністэрства аховы здароўя запусціла анлайн-апытанне аб працы сістэмы электронных рэцэптаў, прайсці яго можна на сайце ведамства.
"Электронныя рэцэпты" ў Беларусі пачалі ўкараняць некалькі гадоў таму. За гэты час пэўная колькасць пацыентаў абрала падобную паслугу, хоць у цэлым зручнейшым працэс набыцця прэпаратаў яна не зрабіла.
Міністэрства аховы здароўя вырашыла запусціць апытанне па вывучэнні ступені задаволенасці пацыентаў сістэмай абарачэння электронных рэцэптаў.
Адказаць на 21 пытанне можна на сайце ведамства. Праводзіцца апытанне да 22 лістапада.
Пасля прыходу на пасаду міністра аховы здароўя Уладзімір Каранік паабяцаў зрабіць працу ведамства больш адкрытай і цікавіцца меркаваннем насельніцтва. Так, Міністэрства аховы здароўя ўжо праводзіла апытанне сярод грамадзян аб кошце лекаў у рэспубліцы і за мяжой. На гэты раз вывучыць вырашылі і зручнасць электронных рэцэптаў.
Чытайце таксама:
- Міністэрства аховы здароўя будзе рэгуляваць кошты на большую колькасць лекаў
- Мезенцаў: Беларусь і Расія паспяхова ўзаемадзейнічаюць у сферы аховы здароўя