МІНСК, 22 ліс - Sputnik. Беларуская дэлегацыя прысутнічае на ўрачыстай цырымоніі перапахавання удзельнікаў паўстання 1863 года.
У 2019 годзе пасольства Беларусі ў Літве кантактавала па гэтым пытанні з літоўскім бокам, абмяркоўваліся арганізацыйныя і тэхнічныя пытанні правядзення цырымоніі пахавання, а таксама забеспячэнне прысутнасці беларускай мовы на мемарыяльных дошках.
Наш чалавек нашай дзяржавы
Нагадаем, што падчас выступу перад журналістамі на выбарчым участку, прэзідэнт Беларусі Аляксандр Лукашэнка назваў неадназначнай постаць Каліноўскага, аднак прызнаў, што "гэта наш чалавек нашай дзяржавы".
Перш кіраўнік МЗС Уладзімір Макей заяўляў, што наша краіна на цырымоніі перапахавання астанкаў Каліноўскага і іншых удзельнікаў паўстання павінна быць прадстаўлена "на высокім узроўні, гэта вельмі важная падзея для гісторыі Беларусі".
Як Беларусь і Літва разам працавалі
Прадстаўнікі пасольства Беларусі ў Літве наведалі месца археалагічных раскопак на гары ў Вільні яшчэ ў 2017 годзе. У тым жа годзе таксама прайшоў шэраг сустрэч беларускіх дыпламатаў з літоўскі навукоўцамі і экспертамі.
У ліпені 2019 года Следчы камітэт Беларусі правёў эксгумацыю рэшткаў брата Кастуся Каліноўскага - Віктара Каліноўскага - у горадзе Свіслач.
Па запрашэнні Беларусі прадстаўнікі Літвы наведалі месца правядзення работ. Цяпер будзе магчыма параўнаць вынікі ДНК-экспертыз. Гэта дазволіць пацвердзіць, што знойдзеныя ў Вільні астанкі сапраўды належаць Кастусю Каліноўскаму.