МІНСК, 28 ліс - Sputnik. Дзяржаўнага сакратара Савета Бяспекі Беларусі Станіслава Зася, які павінен з 1 студзеня 2020 года заняць пасаду генеральнага сакратара АДКБ, запрасілі да ўдзелу ў сустрэчы кіраўнікоў дзяржаў Арганізацыі ў вузкім складзе.
У сустрэчы бяруць удзел лідары шасці краін: Беларусі, Арменіі, Казахстана, Кыргызстана, Расіі і Таджыкістана, а таксама в.а. генеральнага сакратара прадстаўнік Расіі Валерый Семерыкоў. Да перамоваў запрасілі і Зася, паведамляе Telegram-канал "Пул Першага".
Пазней на гэтым канале было апублікавана відэа, на якім Зась сядзіць за сталом побач з Аляксандрам Лукашэнкам, і беларускі прэзідэнт клапатліва перасоўвае сок і ваду бліжэй да сакратара Савета бяспекі.
Месца Зася, мяркуючы па кадрах, не было падрыхтавана так, як для іншых удзельнікаў сустрэчы - няма пісьмовых прылад і вады. "Так як Зась сеў за стол раптам, працоўнае месца яму абсталявалі ў ходзе справы. Лукашэнка падзяліўся сокам і вадой з будучым генсекам АДКБ", - пракаменціраваў кадры "Пул Першага".
Лукашэнка аддаў беларускаму чыноўніку свой сок і бутэльку вады.