МІНСК, 12 сне - Sputnik. "Белнафтахім" пацвердзіў падпісанне з Расійскай Федэрацыяй індыкатыўна нафтавага балансу на наступны год, пра гэта паведамілі прадстаўнікі канцэрна.
"Індыкатыўны баланс паставак расійскай нафты ў Беларусь падпісаны. Баланс узгоднены ў памеры 24 мільёнаў тон нафты", - цытуе прадстаўнікоў "Белнафтахіму" БелТА.
У канцэрне таксама звярнулі ўвагу на тое, што бакі могуць унесці змены ў баланс да 15 лістапада таго года, на які ён вызначаецца.
Раней у расійскім Мінэнерга паведамлялі, што краіны падпісалі індыкатыўны баланс бяспошлінных паставак нафты ў Беларусь на наступны год, аднак аб'ёмы удакладнены не былі. А віцэ-прэм'ер РФ Дзмітрый Козак адказаў адмоўна на пытанне аб тым, ці ўлічваецца ў балансе "ператаможка".
Пагадненне паміж краінамі мае на ўвазе бяспошлінныя пастаўкі расійскага "чорнага золата" ў Беларусь у аб'ёме 24 мільёны тон у год, з іх 18 мільёнаў адводзіліся для перапрацоўкі на беларускіх нафтаперапрацоўчых заводах. Пошліны ад атрыманых нафтапрадуктаў ішлі ў рэспубліканскую казну. Астатнія шэсць мільёнаў тон краіна магла рээкспартаваць, а пошліны таксама складаць у бюджэт краіны. Гэтая схема і называецца "ператаможкай".