Міжнародны праваслаўны фестываль "Радасць" адкрыўся 21 снежня ў мінскім Палацы мастацтва і будзе доўжыцца па 6 студзеня 2020 года. Фотакарэспандэнт Sputnik Альфрэд Мікус наведаў яго і захаваў на фотаздымках перадкаляднае хараство.
На фестывалі працуюць праваслаўная выстава, вялікі кірмаш, дзе можна набыць вырабы майстроў. Таксама наведвальнікаў чакаюць канцэрты, сустрэчы з вядомымі людзьмі, майстар-класы і смачная манастырская трапеза.
Для юных наведвальнікаў адкрылася "Дзіцячая гасціная", дзе падчас фестывалю пройдуць больш за 40 мерапрыемстваў, уключаючы гульнявую праграму, спектаклі, развіваючыя заняткі і цікавыя конкурсы.
Так, на фестывалі праходзіць конкурс вертэпаў, на якія ўжо зараз можна палюбавацца і абраць упадабаны.
У калядным кірмашы, які штогод праводзіць Свята-Елісавецінскі манастыр г. Мінску і сястрыцтва ў гонар Святапакутніцы Вялікай княгіні Марыі, прымаюць удзел больш за 80 удзельнікаў з 11 краін свету.
У сталіцы фестываль праходзіць тройчы ў год, і кожны раз прысвечаны пэўнаму святу: увесну праводзіцца "Велікодная", восенню - "Пакроўская", а зімой - "Калядная Радасць". Яшчэ два разы на год мерапрыемства праходзіць у рэгіёнах Беларусі: Брэсце, Магілёве і Баранавічах.
На фестывалі можна будзе выбраць і набыць для блізкіх і любімых людзей душэўныя і карысныя падарункі, калядныя ўпрыгажэнні, сувеніры, кнігі і царкоўныя рэчы, якія былі зробленыя манастырскімі майстрамі і таленавітымі рамеснікамі з Беларусі, Расіі, Украіны, Малдовы, Сербіі, Босніі і Герцагавіны, Чарнагорыі, Грэцыі , Узбекістана, Палестыны і Сірыі.