МІНСК, 24 сне - Sputnik. Беларусь можа атрымаць ад Расіі меры падтрымкі толькі пасля імплементацыі ў заканадаўчыя акты дарожных карт па інтэграцыі, заявіў напярэдадні прэм'ер-міністр РФ Дзмітрый Мядзведзеў.
"Усе формы падтрымкі, дадатковай, акрамя таго, што ў нас і так з імі прасунутыя адносіны: там восем мільярдаў практычна крэдытаў Беларусь мае расійскіх, дадатковыя формы супрацоўніцтва магчымыя толькі, калі вось гэтыя дарожныя карты будуць выкананы і ўвасобяцца ў законы", - сказаў ён.
Паводле слоў расійскага прэм'ера, толькі ў гэтым выпадку, пасля ўніфікацыі падатковых правілаў, можна будзе размаўляць аб кампенсацыі рэспубліцы падатковага манеўру - у форме зваротнага акцызу.
Мядзведзеў распавёў, што да канца бягучага года не плануе наведваць Мінск з візітам.
Паглыбленне інтэграцыі ў рамках Саюзнай дзяржавы прадугледжвае ўзгадненне 31 "дарожнай карты", якія закранаюць розныя сферы. Пакуль Расія і Беларусь не дамовіліся па энергетычным блоку пытанняў. Пры гэтым у панядзелак першы віцэ-прэм'ер Дзмітрый Крутой заявіў, што ў бліжэйшыя дні яны будуць вырашаны.