Галоўны рэдактар радыёстанцыі "Эхо Москвы" Аляксей Венедыктаў 24 снежня бярэ вялікае інтэрв'ю ў прэзідэнта Беларусі. Падчас падрыхтоўкі журналіст уважліва вывучыў каля дзвюх тысяч пытанняў, якія даслалі яму чытачы і слухачы. І абраў лепшыя. А таксама патлумачыў, навошта яму наогул спатрэбілася інтэрв'ю з беларускім лідарам.
"Калі казаць пра апошнія сустрэчы Лукашэнкі і Пуціна, то ў расійскіх медыя Лукашэнка выглядае капрызным чалавекам. І я не памятаю вялікага інтэрв'ю расійскаму медыя. Уласна, каб паказаць сапраўднага прэзідэнта, каб ён мог выказаць пазіцыю для расійскіх чытачоў і карыстальнікаў", - распавёў Венедыктаў тэлеканалу "Беларусь-1".
Расійскі журналіст не сумняваецца, што па ўсіх спрэчных інтэграцыйных пытаннях Лукашэнке і Пуціну ўдасца дамовіцца.
"Я ведаю, што наш прэзідэнт гатовы да дадатковай размовы з вашым прэзідэнтам. Яшчэ, магчыма, да Новага года. Слухайце, ужо калі з Украінай дамовіліся, то з Беларуссю як-небудзь дамовяцца. Лідары дамовяцца", - дадаў Венедыкт.
Ёсць у галоўрэда "Эхо Москвы" і асабістае пытанне да Аляксандра Лукашэнкі. Венедыктаў плануе пагутарыць не толькі як журналіст з прэзідэнтам, але і як "бацька з бацькам". Пра гэта ён распавёў у каментары тэлеканалу АНТ.
"Я пра Колю хачу спытаць. У мяне сыну 19 гадоў. Калі яму было 14, я праходзіў, мабыць, самы цяжкі этап свайго жыцця з ім. Вось мне цікава, як гэты хлопчык, які расце пад пражэктарамі, ды які ён уплыў псіхалагічны аказвае на прэзідэнта. Мне гэта цікава як бацьку, а не як журналісту", - сказаў Венедыктаў.