МАСКВА, 25 сне - Sputnik. Пераважная большасць жыхароў вядучых краін Заходняй Еўропы хочуць, каб адносіны паміж ЕС і Расіяй палепшыліся. Пра гэта сведчаць дадзеныя апытання Sputnik.Меркаванні.
У ходзе даследавання, якое ажыццяўлялася з 2 па 15 кастрычніка, 84% немцаў, 78% італьянцаў, 75% французаў і 68% брытанцаў адказалі станоўча на пытанне "Ці хацелі б вы, каб адносіны паміж Еўрапейскім Саюзам і Расіяй палепшыліся ў найбліжэйшай будучыні?". Адмоўныя адказы на пытанне далі 10% рэспандэнтаў у Германіі, па 13% у Італіі і Францыі і 16% у Вялікабрытаніі.
Уладальнікі дыпломаў аб вышэйшай адукацыі часцей выказваліся за нармалізацыю адносін паміж Расіяй і ЕС, чым апытаныя з поўнай і няпоўнай сярэдняй адукацыяй. Пры гэтым ва ўсіх чатырох краінах мужчыны больш актыўна, чым жанчыны выступаюць за адлігу ў адносінах з Расіяй.
Апытанне было праведзены для Sputnik кампаніяй IFop. У ім прынялі ўдзел 4012 рэспандэнтаў ва ўзросце старэй за 18 гадоў. Максімальная памылка выбаркі для дадзеных у цэлым па краіне складае 3,1% пры давернай верагоднасці 95%.
Sputnik - адно з найбуйнейшых міжнародных СМІ, якое аб'ядноўвае мультымедыйныя краінавыя і рэгіянальныя інтэрнэт-сайты на 33 мовах, аналагавае і лічбавае радыёвяшчанне на рускай, англійскай, французскай і іншых мовах у больш чым 90 гарадах свету і ў інтэрнэце. Навінавыя стужкі Sputnik кругласутачна пастаўляюць інфармацыю вядучым выданням па ўсім свеце на англійскай, арабскай, іспанскай, кітайскай мовах і фарсі. Аўдыторыя інфармацыйных рэсурсаў Sputnik складае больш за 60 мільёнаў наведвальнікаў у месяц, колькасць падпісчыкаў акаўнта Sputnik China ў Вэйба перавышае 10,5 мільёна. У 22 рэдакцыйных цэнтрах па ўсім свеце ад Пекіна да Монтавідэа працуе звыш тысячы чалавек дзясяткаў нацыянальнасцяў. Sputnik ўваходзіць у Медыягрупу "Россия сегодня". Галаўны офіс Sputnik знаходзіцца ў Маскве.
Міжнародны праект "Sputnik.Меркаванні" стартаваў у студзені 2015 года, у яго рамках рэгулярна праводзяцца замеры настрояў грамадскасці ў краінах Еўропы і ЗША па найбольш актуальных сацыяльных і палітычных пытаннях. Партнёрамі праекта выступаюць вядомыя міжнародныя даследчыя кампаніі Populus, IFop і forsa.