МІНСК, 31 сне - Sputnik. Сіноптыкі папярэджваюць аб неспрыяльнай з'яве - гаворка ідзе пра моцны вецер. Па прагнозах, у бліжэйшыя суткі 31 снежня ў многіх раёнах рэспублікі захаваецца моцны заходні вецер парывамі да 15-20 м/с, у Мінску таксама будзе ветрана - парывы могуць дасягаць 15-18 м/с.
У сувязі з моцным ветрам Белгідрамет абвясціў на апошні дзень года аранжавы ўзровень небяспекі.
У бліжэйшыя суткі будзе пераважаць воблачнае надвор'е. На большай частцы тэрыторыі краіны, у тым ліку і ў Мінску чакаюцца кароткачасовыя ападкі ў выглядзе дажджу і мокрага снегу. У сталіцы верагоднасць ападкаў складзе 70-80%. Ноччу і раніцай слабы галалёд. На асобных участках дарог галалёдзіца. Тэмпература паветра мінімальная ноччу -2..+3°С, максімальная днём 0..+5°С. У Мінску ноччу будзе -1..+1, днём 2-3 градусы цяпла.
У першы дзень новага года чакаецца воблачнае з праясненнямі надвор'е. Ноччу і раніцай часам будзе ісці снег, будзе слабая мяцеліца, днём пераважна без ападкаў. Тэмпература паветра мінімальная ноччу 0..-5°С, максімальная днём -3..+3°С.
У чацвер, 2 студзеня, пацяплее, надвор'е будзе вызначаць малаактыўны франтальны раздзел, які перамяшчаецца з Заходняй Еўропы, і цёплая вільготная паветраная маса. У выніку будзе воблачна з праясненнямі. У асобных раёнах краіны пройдуць невялікія кароткачасовыя ападкі ў выглядзе мокрага снегу і дажджу. Стане цяплей: мінімальная тэмпература паветра ўначы складзе -5..+1°С, максімальная днём -1..+5°С.