"Упершыню ў гісторыі беларускага спорту два вядучыя брэнды аб'ядноўваюць намаганні, каб разам дамагацца новых перамог", - гаворыцца ў роліку, у якім гоначны МАЗ заязджае ў Брэст і паўстае там ужо з лагатыпам чэмпіёна Беларусі па футболе-2019 на дзвярах кабіны.
Голас за кадрам кажа таксама і пра тое, што на "Дакары-2020" лагатыпы "Дынама" будуць красавацца на кабінах МАЗаўскіх каміёнаў.
Брэсцкае "Дынама" ў мінулым годзе ўпершыню стала чэмпіёнам Беларусі па футболе, перапыніўшы гегемонію БАТЭ. У 2020-м клуб будзе гуляць ужо з новым трэнерам - Марцэл Лічка сышоў з каманды пасля перамогі сваіх падапечных, яго змяніў Сяргей Кавальчук.
"МАЗ-СПОРТаўта" за два апошнія гады ўсё мацнейшае заяўляе пра сябе на ралійнай арэне. "Дакар 2018." завяршыўся другім месцам экіпажа Сяргея Вязовіча, а ўжо ў гэтым годзе кіраўнік каманды выйграў ралі-рэйд у Марока на новым "капотніку", які выйдзе на старт "Дакара-2020" 5 студзеня.